UFC-ի թեթև քաշային կարգում աշխարհի չեմպիոն, ռուսաստանցի Իսլամ Մախաչևը կոչով դիմել է մրցակցին՝ ավստրալացի Ալեքսանդր Վոլկանովսկուն:
«Համբերատար եղիր: Ես քեզ ցույց կտամ իմ ուժը և մնացած ամեն ինչ շաբաթ երեկոյան: Դու նույնիսկ կարիք չես ունենա վերականգնվել կշռումից հետո»,- ասել է Մախաչևը UFC 294-ի գլխավոր ասուլիսում:
Մախաչևի և Ալեքսանդր Վոլկանովսկու միջև 5 ռաունդանոց մենամարտը կայանալու է հոկտեմբերի 21-ին: Աբու Դաբիում UFC 294 մրցաշարի գլխավոր մենամարտում ռուսաստանցի մարտիկը կփորձի պահպանել չեմպիոնական գոտին:
Հիշեցնենք, որ նախորդ տարվա հոկտեմբերին Իսլամ Մախաչևը երկրորդ ռաունդում խեղդող հնարքով հաղթել էր Չարլզ Օլիվեյրային և նվաճել էր UFC-ի թեթև քաշային կարգում աշխարհի չեմպիոնի տիտղոսը:
