«Մանչեսթեր Յունայթեդի» պաշտպան Հարի Մագուայերը խոսել է Անգլիայի Պրեմիեր լիգայի 8-րդ տուրում «Լիվերպուլի» դեմ խաղում տարած հաղթանակի (2-1) մասին, գրում է BBC-ն։
«Մեծ նշանակություն ունի այս հաղթանակը։ Վերջին տարիներին «Լիվերպուլը» շատ հաճախ էր մեզ հաղթում։ Շատ սպասված հաղթանակ էր։ Մենք շատ էինք ուզում գալ «Էնֆիլդ» ու 3 միավոր վաստակել։
Այստեղ եմ գալիս արդեն 7 տարի, և այդ ընթացքում հաղթանակ չտանելը շատ ծանր էր։ Այս հաղթանակը մեր երկրպագուների համար է, և հուսով եմ` նրանք այսօր կվայելեն երեկոն։
Հաճելի է վերջապես հաղթել «Լիվերպուլին»։ Վստահ եմ` այսօր երկրպագուները հիանալի հիշողություններով կվերադառնան տուն, իսկ մենք` երջանիկ»,- ասել է անգլիացի պաշտպանը։
«Լիվերպուլի» դեմ հանդիպման հաղթական գոլը 84-րդ րոպեին խփել է հենց Մագուայերը։
«Մանչեսթեր Յունայթեդը» հյուրընկալվելիս «Լիվերպուլին» չէր հաղթել գրեթե 10 տարի։ Նախորդ հաղթանակն «Էնֆիլդում» մանկունիական գրանդը գրանցել էր 2016թ. հունվարի 17-ին։
Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
