Մադրիդի «Ռեալի» հարձակվող Կիլիան Մբապեն չի մասնակցի «Ռեալ Սոսյեդադի» դեմ Իսպանիայի գավաթի խաղարկության կիսաեզրափակիչի առաջին հանդիպմանը, հայտնում է «Արքայական ակումբի» պաշտոնական կայքը:
Ֆրանսիացին ատամի ցավի պատճառով չի ընդգրկվել թիմի հայտացուցակում:
«Սերուցքայինների» հետ Սան Սեբաստիան չի մեկնել նաև դարպասապահ Տիբո Կուրտուան, որն աջ ոտքի մկանային վնասվածք ունի: Ակնկալվում է, որ մեկնարկային կազմում նրան կփոխարինի Անդրեյ Լունինը:
«Ռեալ Սոսյեդադ» – «Ռեալ Մադրիդ» դիմակայության առաջին խաղը կկայանա փետրվարի 27-ին, մեկնարկը՝ ժամը 00:30-ին:
