Աշխարհի երկրորդ ռակետ, իսպանացի Կառլոս Ալկարասը դուրս է եկել Մադրիդում ընթացող «Մասթերս» ATP-1000 շարքի մրցաշարի 1/8 եզրափակիչ։

Մրցաշարի գործող հաղթողը երրորդ շրջանում 6-3, 6-3 հաշվով առավելության հասավ Տիագո Ուայլդի (Բրազիլիա, 63-րդ ռակետ) նկատմամբ։ Մրցախաղը տևեց 1 ժամ 17 րոպե։ Ալկարասի հաջորդ մրցակիցը լինելու է Յան-Լենարդ Շտրաուֆը (Գերմանիա, 24-րդ ռակետ)։

1/8 եզրափակիչում է նաև Ալեքսանդր Զվերևը (Գերմանիա, 5-րդ ռակետ), որը երրորդ փուլում 6-4, 7-5 հաշվով հաղթեց Դենիս Շապովալովին (Կանադա, 132-րդ ռակետ)։ Զվերևը հաջորդ փուլում մրցելու է Ֆրանսիակո Չերունդոլոյի (Արգենտինա, 22-րդ ռակետ) դեմ։

1/8 եզրափակիչ են դուրս եկել նաև Անդրեյ Ռուբլյովը (Ռուսաստան, 8-րդ ռակետ), Հուբերտ Հուրկաչը (Լեհաստան, 9-րդ ռակետ), Թեյլոր Ֆրիցը (ԱՄՆ, 13-րդ ռակետ) և Տալոն Գրիկսպուրը (Նիդերլանդներ, 25-րդ ռակետ)։