Սերբիայի Նովի Սադ քաղաքում մեկնարկած հունահռոմեական ոճի ըմբշամարտի Եվրոպայի Մ20 առաջնության առաջին մրցումային օրը գորգ դուրս եկած Հայաստանի 5 ներկայացուցիչներից երեքը մնացին պայքարի մեջ:
Յուրիկ Հովեյանը (63 կգ) կիսաեզրափակիչում 0-7 հաշվով պարտվեց ռուսաստանցի Էրզու Զակրիևին և հուլիսի 2-ին կգոտեմարտի բրոնզե մեդալի համար:
Հենրիկ Գևորգյանը (77 կգ) քառորդ եզրափակիչում 4-9 հաշվով զիջեց մոլդովացի Ալեքսանդրու Սոլովեին, որը հասավ եզրափակիչ՝ հայ ըմբիշին հնարավորություն ընձեռելով հուլիսի 2-ին անցկացնել սփոփիչ գոտեմարտ, որում հաղթելու դեպքում կպայքարի բրոնզե մեդալի համար:
Արամայիս Հարությունյանն էլ (130 կգ) կիսաեզրափակիչում 1-3 հաշվով պարտվեց Թուրքիայի ներկայացուցիչ Քեմալ Բաքիրին և կպայքարի բրոնզե մեդալի համար:
