Ձյուդոիստ Լյովա Սրապյանը (60 կգ) Բուլղարիայի մայրաքաղաք Սոֆիայում ընթացող Եվրոպայի Մ17 առաջնությունում դարձել է բրոնզե մեդալակիր։
Սրապյանն աշխարհամասի առաջնությունում տարել է 6 հաղթանակ, իսկ բրոնզե մեդալի համար պայքարում առավելության է հասել սերբ Վելյոկո Վարնիչիչի նկատմամբ:
Առաջին մրցումային օրը պայքարի մեջ են մտել նաև Շավարշ Նահապետյանը, Արթուր Դավիդյան (երկուսն էլ՝ 50 կգ), Հայկ Դարբինյանը (55 կգ) և Ջոնիկ Օզմանյանը (60 կգ), որոնք մեդալ չեն նվաճել:
Հայաստանի հավաքականի կազմում մեդալների համար կպայքարեն նաև Նարեկ Դանիելյանը (66 կգ), Տիգրան Սարուխանյանը (73 կգ) և Արման Խեչոյանը (73 կգ):
