Իտալիայի Կաորլե քաղաքում ավարտված հունահռոմեական ոճի ըմբշամարտի մինչև 15 տարեկանների Եվրոպայի առաջնությունում Հայաստանի հավաքականը նվաճել է 6 մեդալ և թիմային հաշվարկում զբաղեցրել երկրորդ տեղը:
68 կգ քաշային կարգում Արամ Սարգսյանը եզրափակիչում 9-0 հաշվով հաղթել է թուրք ըմբիշի և նվաճել ոսկե մեդալ:
41 կգ քաշային Վահան Գրիգորյանը, Նարեկ Ալեյանը (48 կգ) և Պավել Նազարյանը (62 կգ) պարտվել են եզրափակիչներում և բավարարվել արծաթե մեդալով:
Վարդան Սահակյանը (44 կգ) և Գեղամ Եղիազարյանը (52 կգ) նվաճել են բրոնզե մեդալ։
Հիշեցնենք, որ ազատ ոճի ըմբշամարտի Հայաստանի Մ15 հավաքականը ևս նվաճել էր 6 մեդալ ու թիմային պայքարում զբաղեցրել երկրորդ տեղը:
