MLS-ի բոլոր աստղերի թիմը Վաշինգտոնում ընկերական հանդիպում է անցկացրել Անգլիայի փոխչեմպիոն Լոնդոնի «Արսենալի» հետ:

«Արսենալը» հաղթել է 5-0 հաշվով, գոլերը խփել են իտալացի կիսապաշտպան Ժորժինյոն, վինգերներ, բրազիլացի Գաբրիել Մարտինելին և բելգիացի Լեանդրո Տրոսարը, հարձակվողներ, գերմանացի Կայ Հավերցը և բրազիլացի Գաբրիել Ժեզուսը: Թիմի նորեկ Հավերցի առաջին գոլն է «Արսենալի» կազմում:

MLS-ի բոլոր աստղերի թիմի կազմում խաղին մասնակցել է նաև ամերիկյան «Քոլամբուս Քրյուի» և Հայաստանի ազգային հավաքականի հարձակվող Լուկաս Սելարայանը, որը փոխարինման է դուրս եկել երկրորդ խաղակեսի մեկնարկից առաջ:

MLS-ի բոլոր աստղերի թիմի մարզիչն է եղել Անգլիայի ազգային հավաքականի և «Մանչեսթեր Յունայթեդի» լեգենդար ֆուտբոլիստ, այժմ ամերիկյան «Դի Սի Յունայթեդը» գլխավորող Ուեյն Ռունին:

Ընկերական հանդիպում

MLS-ի բոլոր աստղեր - «Արսենալ»՝ 0-5

Գաբրիել Ժեզուս, 5, Լեանդրո Տրոսար, 23, Ժորժինյո, 47 (11մ), Գաբրիել Մարտինելի, 84, Կայ Հավերց, 89