Հարձակվող Լուկա Յուրիչիչը վերադարձել է «Փյունիկ», հայտնում է ակումբի պաշտոնական կայքը։

Խորվաթ հարձակվողը նախորդ տարվա ամռանն էր «Փյունիկից» տեղափոխվել ռումինական «Կլուժ», որի կազմում անցկացրած 17 խաղում դարձել է 2 գոլի հեղինակ։ 26-ամյա ֆուտբոլիստը Եղիշե Մելիքյանի գլխավորած թիմում խաղալու է վարձավճարով։

Լուկա Յուրիչիչը «Փյունիկում» ընդհանուր առմամբ մասնակցել է 46 հանդիպման, դարձել 25 գոլի հեղինակ ու կատարել 2 գոլային փոխանցում։