Խորվաթիայի հավաքականի և Մադրիդի «Ռեալի» կիսապաշտպան Լուկա Մոդրիչը գնել է «Սուոնսի Սիթի» ֆուտբոլային ակումբի բաժնետոմսերի փոքր մասը, հաղորդում է ուելսյան ակումբի մամուլի ծառայությունը:
«Լուկայի առաջնորդությունը, գիտելիքները և կիրքը ֆուտբոլի հանդեպ առանցքային կլինեն ակումբի շարունակական զարգացման համար»,- նշված է ակումբի հաղորդագրությունում:
2011 թվականին «Սուոնսին» դարձավ առաջին ուելսյան ակումբը, որը հանդես եկավ Անգլիայի Պրեմիեր լիգայում։ Ակումբը հետագայում նահանջեց Չեմպիոնշիփ, որտեղ նրանք ներկայումս խաղում են:
Ի դեպ, Մոդրիչը դարձավ «Ռեալի» երրորդ ֆուտբոլիստը, որն ակումբի համասեփականատեր է: Նման կարգավիճակ ունեն նաև Կիլիան Մբապեն և Վինիսիուս Ժունիորը:
