«Դալաս Մավերիքսի» 25-ամյա սլովենացի խաղարկող Լուկա Դոնչիչը եռակողմ գործարքի արդյունքում տեղափոխվել է «Լեյքերս», հաղորդում է Լոս Անջելեսը ներկայացնող ակումբի մամուլի ծառայությունը:
Փոխանակման արդյունքում «Մավերիքսը» ստացել է կենտրոնական Էնթոնի Դևիսին, հարձակվող Մաքս Քրիստիին, ինչպես նաև 2029 թվականի առաջին դրաֆթում առաջին ընտրության հնարավորություն:
Դոնչիչի հետ «Լոս Անջելես Լեյքերսին» են միացել նաև հարձակվողներ Մաքսի Կլեբերն ու Մարկիֆ Մորիսը:
Գործարքին միացել է նաև «Յուտա Ջազը», որը ստացել է «Լեյքերսի» պաշտպան Ջեյլեն Հուդ-Շիֆինոյին:
Այսպիսով՝ NBA-ի կանոնավոր առաջնության նախորդ մրցաշրջանի ամենաարդյունավետ բասկետբոլիստը, Բոլոր աստղերի խաղի հնգակի մասնակիցը դառնում է լեգենդար Լեբրոն Ջեյմսի թիմակիցը:
Yes, it really happened. Welcome to Los Angeles, Luka. pic.twitter.com/XdlZZ5IfNo
— Los Angeles Lakers (@Lakers) February 2, 2025
