Ամերիկյան «Ինտեր Մայամին» և ուրուգվայցի հարձակվող Լուիս Սուարեսը նոր պայմանագիր ստորագրեցին, հայտնում է ակումբի մամուլի ծառայությունը:

37-ամյա ֆուտբոլիստի նոր պայմանագիրը նախատեսված է մինչև 2025 թվականի ավարտը: Սուարեսն «Ինտերում» է հանդես գալիս 2024 թվականի մեկնարկից:

Սուարեսն ամերիկյան թիմում անցկացրած 37 խաղում դարձել է 25 գոլի և 12 գոլային փոխանցման հեղինակ։ Անգլիական «Լիվերպուլի», կատալոնական «Բարսելոնայի», Մադրիդի «Աթլետիկոյի» նախկին հարձակվողը Մայամիի թիմի հետ դարձել է MLS-ի կանոնավոր առաջնության չեմպիոն: