Ֆուտզալի Հայաստանի հավաքականի խաղացող Լուան Մյուլերը Jako ամենամյա մրցանակաբաշխությունում Fustaplanet-ի կողմից ճանաչվել է 2024թ. աշխարհի լավագույն դարպասապահ։
Նախորդ տարի 31-ամյա դարպասապահն իսպանական «Պալմա ֆուտզալի» հետ դարձել էր Չեմպիոնների լիգայի, Միջմայրցամաքային գավաթի և աշխարհի ակումբային առաջնության հաղթող։
Մյուլերը Երևանի Կարեն Դեմիրճյանի անվան մարզահամերգային համալիրում անցկացված Չեմպիոնների լիգայի «4-ի եզրափակիչի» կիսաեզրափակիչում գոլ էր խփել՝ գրավելով պորտուգալական «Բենֆիկայի» դարպասը։