«Ինտեր Մայամիի» արգենտինացի հարձակվող Լիոնել Մեսին, 5 գոլային փոխանցում կատարելով «Նյու Յորք Ռեդ Բուլզի» դեմ MLS-ի կանոնավոր առաջնության 11-րդ տուրի տնային խաղում (6-2), երեք ռեկորդ է սահմանել:
«Ոսկե գնդակի» 8-ակի դափնեկիրը կարիերայում առաջին անգամ է մեկ խաղում 5 ասիստ կատարում, հայտնում է Opta վիճակագրական ռեսուրսը:
Մեսին պատմության առաջին ֆուտբոլիստն է, որը MLS-ի մեկ խաղում 5 գոլային փոխանցման հեղինակ է դառնում, նաև «գոլ+ասիստ» ցուցանիշով 6 միավոր վաստակում, հայտնում է լիգայի մամուլի ծառայությունը:
Աշխարհի չեմպիոնը նաև մեկ գոլ էր խփել «Նյու Յորք Ռեդ Բուլզի» դեմ խաղում:
Ընթացիկ մրցաշրջանում 36-ամյա ֆուտբոլիստն ամերիկյան թիմի կազմում բոլոր մրցաշարերում մասնակցել է 11 հանդիպման, դարձել 12 գոլի և 11 գոլային փոխանցման հեղինակ:
Խերարդո Մարտինոյի գլխավորած թիմը 24 միավորով կանոնավոր առաջնության առաջատարն է:
