Անգլիական «Լիվերպուլը» ցանկանում է թիմի եգիպտոսցի վինգեր Մոհամեդ Սալահին փոխարինել Մյունխենի «Բավարիայի» գերմանացի ֆուտբոլիստ Լերոյ Սանեով, հաղորդում է բրիտանական Mirror-ը:
Մերսիսայդյան ակումբը պատրաստ է Սանեի համար վճարել ավելի քան 80 միլիոն ֆունտ, ինչն ակումբի համար կլինի տրանսֆերային ռեկորդ: «Լիվերպուլի» համար ռեկորդային տրանսֆերը Դարվին Նունյեսի ձեռքբերումն է: Ուրուգվայցու համար անգլիական ակումբը Լիսաբոնի «Բենֆիկային» վճարել էր 80 միլիոն եվրո:
Ըստ աղբյուրի՝ գրեթե կասկած չկա, որ Մոհամեդ Սալահը մարզական կարիերան շարունակելու է Սաուդյան Արաբիայում:
Հիշեցնենք, որ Լերոյ Սանեն «Բավարիայում» է խաղում 2020 թվականից, ակումբի կազմը համալրել է անգլիական «Մանչեսթեր Սիթիից»: Նրա ծառայություններով հետաքրքրված է նաև Մադրիդի «Ռեալը»:
