«Լիվերպուլը» ցանկանում է երկարաժամկետ պայմանագիր կնքել ակումբի պաշտպան Քոնոր Բրեդլիի հետ, գրում է The Sun-ը։
Մերսիսայդյան գրանդը մտադիր է 650 տոկոսով բարձրացնել 21-ամյա ֆուտբոլիստի աշխատավարձն ու այն դարձնել շաբաթական 75 հազար ֆունտ ստերլինգ։ Հյուսիսիռլանդացին այժմ վաստակում է ընդամենը 10 հազար ֆունտ ստերլինգ։
Կողմերը ծրագրում են համաձայնագիրը կնքել մինչև 2030 թ. հունիսի 30-ը։
«Լիվերպուլում» Բրեդլիին համարում են ակումբի հիմնական աջ պաշտպան Տրենտ Ալեքսանդր-Առնոլդի գլխավոր փոխարինող։ Վերջինի պայմանագիրն ավարտվում է այս տարվա հունիսի 30-ին և կարող է ազատ գործակալի կարգավիճակում լքել ակումբը։
Քոնոր Բրեդլին «Լիվերպուլի» սան է, ակումբում 50 խաղում 1 գոլ է խփել, կատարել 9 արդյունավետ փոխանցում։
