«Լիվերպուլը» պաշտոնապես հայտարարել է երկու ֆուտբոլիստի հրաժեշտ տալու մասին։

Այս մրցաշրջանի վերջում անգլիական ակումբից կհեռանան կամերունցի կենտրոնական պաշտպան Ժոել Մատիպը և իսպանացի կիսապաշտպան Տիագո Ալկանտարան։ Երկու ֆուտբոլիստների պայմանագրերի ժամկետը լրանում է հունիսի 30-ին։

32-ամյա Մատիպը 8 մրցաշրջանում «Լիվերպուլի» հետ մասնակցել է 201 հանդիպման, խփել է 11 գոլ, կատարել 6 գոլային փոխանցում։ 33-ամյա Ալկանտարան 2020 թվականին է միացել Անգլիայի 19-ակի չեմպիոնի, որի կազմում անցկացրել է 98 խաղ, դարձել 3 գոլի ու 6 գոլային փոխանցման հեղինակ։

Հիշեցնենք, որ այս մրցաշրջանի ավարտին «Լիվերպուլից» հեռանալու է նաև գլխավոր մարզիչ Յուրգեն Կլոպը։