Եգիպտոսի հավաքականի ու «Լիվերպուլի» հարձակվող Մոհամեդ Սալահը չի կարող միանալ ազգային ընտրանուն ու մասնակցել ԱԱ-2022-ի ընտրական մրցաշարի շրջանակում կայանալիք առաջիկա խաղերին:
Եգիպտոսի ֆուտբոլի ֆեդերացիան հաղորդագրություն է տարածել, ըստ որի՝ «Լիվերպուլից» նամակ է ստացել, որում նշված է, որ ակումբը չի կարող թույլ տալ Սալահին միանալ ազգային հավաքականին:
Պատճառն այն է, որ թույլտվություն ստանալու դեպքում Սալահը, կորոնավիրուսային սահմանափակումներով պայմանավորված, պետք է տասնօրյա կարանտին անցնի:
Եգիպտոսի հավաքականը սեպտեմբերի 2-ին, 5-ին ու 9-ին հանդիպումներ կանցկացնի համապատասխանաբար Անգոլայի, Գաբոնի ու Լիբիայի հավաքականների հետ:
