Անգլիական «Լիվերպուլի» պաշտպան Տրենտ Ալեքսանդր-Առնոլդը որոշել է կարիերան շարունակել Իսպանիայում, հայտնում է լրագրող Ռամոն Ալվարես դե Մոնը:
26-ամյա ֆուտբոլիստը համաձայնել է ընթացիկ մրցաշրջանից հետո ազատ գործակալի կարգավիճակում տեղափոխվել Մադրիդի «Ռեալ»:
Չի բացառվում, որ Անգլիայի հավաքականի եզրայինը «Արքայական ակումբ» տեղափոխվի արդեն ձմեռային տրանսֆերային պատուհանի ընթացքում:
Հիշեցնենք, որ Ալեքսանդր-Առնոլդը «Լիվերպուլի» սան է, հիմնական թիմում հանդես է գալիս 2016 թվականից: Նա մերսիսայդցիների հետ դարձել է Պրեմիեր լիգայի չեմպիոն, Անգլիայի գավաթակիր, նվաճել է Անգլիական լիգայի ու Չեմպիոնների լիգայի գավաթները, ինչպես նաև դարձել է աշխարհի ակումբային առաջնության չեմպիոն:
