Անգլիական «Լիվերպուլի» նախկին ավագ Ալան Հանսենը ծանր հիվանդության պատճառով հոսպիտալացվել է, հայտնում է ակումբի պաշտոնական կայքը։
««Լիվերպուլի» բոլոր մտքերն այժմ մեր լեգենդար նախկին ավագ Ալան Հանսենի հետ են, որը ծանր հիվանդության պատճառով հոսպիտալացվել է։ Ակումբը մշտապես կապի մեջ է Ալանի ընտանիքի հետ, որպեսզի աջակցի նրան այս ծանր պահին։
Մենք լրացուցիչ տեղեկություն կհաղորդենք Հանսենի առողջական վիճակի մասին»,- նշված է «Լիվերպուլի» պաշտոնական հայտարարության մեջ։
Ալան Հանսենը մերսիսայդյան ակումբում հանդես է եկել 1977-1991 թթ. և 614 խաղում խփել է 14 գոլ, կատարել 19 արդյունավետ փեխանցում։ Շոտլանդացի ֆուտբոլիստը «Լիվերպուլի» կազմում 8 անգամ դարձել է Անգլիայի չեմպիոն, 3 անգամ` Չեմպիոնների լիգայի հաղթող։
