«Ալ Իթիֆակը» հայտարարել է նոր տրանսֆերի մասին: Սաուդյան Արաբիան ներկայացնող ակումբը գնել է Ջորջինյո Վեյնալդումի տրանսֆերը:
Ինսայդեր Ֆաբրիցիո Ռոմանոն տեղեկացնում է, որ նիդերլանդցի կիսապաշտպանի տեղափոխության համար ֆրանսիական ՊՍԺ-ն ստանալու է 8 միլիոն եվրո: 32-ամյա ֆուտբոլիստը 3 տարվա պայմանագիր է ստորագրել:
Վեյնալդումը 2021-ին էր անգլիական «Լիվերպուլից» տեղափոխվել ՊՍԺ: Նախորդ մրցաշրջանը նա վարձակալությամբ անցկացրել էր իտալական «Ռոմայում»:
Ամռանը «Ալ Իթիֆակը» գլխավորել էր «Լիվերպուլի» լեգենդ Սթիվեն Ջերարդը: Նրա ցանկությամբ ակումբը ձեռք է բերել «Մերսիսայդցիների» ավագ Ջորդան Հենդերսոնին:
Արաբական թիմում է խաղում նաև Մոսկվայի ԲԿՄԱ-ի նախկին ֆուտբոլիստ Վիտինյոն, ինչպես նաև «Լիոնի» ու «Աթլետիկոյի» նախկին հարձակվող Մուսա Դեմբելեն:
