Անգլիական «Լիվերպուլն» ու «Մանչեսթեր Սիթին» վիճարկեցին երկրի սուպերգավաթը:
Մերսիսայդցիները հաղթանակ տարան 3:1 հաշվով: «Լիվերպուլի» կազմում գոլի հեղինակ դարձան անգլիացի պաշտպան Տրենտ Ալեքսանդր-Առնոլդը, եգիպտացի վինգեր Մոհամեդ Սալահը, ուրուգվայցի հարձակվող Դարվին Նունյեսը: «Քաղաքաբնակների» միակ գնդակը խփեց արգենտինացի հարձակվող Խուլիան Ալվարեսը:
«Լիվերպուլն» իր պատմության մեջ 16-րդ անգամ տիրացավ Անգլիայի սուպերգավաթին: «Մանչեսթեր Սիթին» նման հաջողություն գրանցել է 6 անգամ:
Յուրգեն Կլոպը նվաճեց մարզչական կարիերայի 12-րդ տիտղոսը, որից 7-ն՝ անգլիական ակումբում:
Անգլիայի Սուպերգավաթ
«Լիվերպուլ» - «Մանչեսթեր Սիթի»՝ 3-1
Տրենտ Ալեքսանդր-Առնոլդ 21, Մոհամեդ Սալահ 83, Դարվին Նունյես 90+4 - Խուլիան Ալվարես 70


