Հարի Մագուայրը, Լյուկ Շոուն և Անտոնի Մարսիալը կմասնակցեն «Էվերտոնի» դեմ այսօր կայանալիք մինչմրցաշրջանային ընկերական հանդիպմանը՝ հայտնում է ՄՅՈՒ-ի պաշտոնական կայքը։
«Կարմիր սատանաների» մամուլի ծառայությունը հավելել է նաև, որ Ջեսի Լինգարդը կորոնավիրուսով վարակվելու պատճառով կթողնի խաղը։ Նա ներկայումս մեկուսացված է։
Ֆուտբոլիստը որոշ ժամանակ անց հանդես է եկել հայտարարությամբ՝ նշելով. «Իրոք վշտացած եմ կորոնավիրուսի դրական պատասխանի համար՝ այսքան լավ մինչմրցաշրջանից հետո։ Բարեբախտաբար, ես ինձ հիանալի եմ զգում, կհետևեմ ցուցումներին և շուտով կվերադառնամ խաղադաշտ։ Շնորհակալություն ձեր աջակցության համար»։
