Կատալոնական «Բարսելոնայի» նորեկ, լեհ հարձակվող Ռոբերտ Լևանդովսկին խոսել է Իսպանիայի և Գերմանիայի առաջնությունների տարբերության մասին:
«Իսպանիայում երկրպագուներն ավելի շատ են գնահատում տեխնիկան, քան Գերմանիայում: Այստեղ երկրպագուներն էյֆորիայի մեջ են, հաճույք են ստանում։ Միշտ ցանկացել եմ խաղալ Լա լիգայում»,- Mundo Deportivo-ի հետ հարցազրույցում նշել է 34-ամյա ֆուտբոլիստը:
Հիշեցնենք, որ Լևանդովսկին 12 տարի Բունդեսլիգայում խաղալուց հետո հուլիսի 19-ին էր Մյունխենի «Բավարիայից» 45 միլիոն եվրոյով տեղափոխվել «Բարսելոնա»:
Լեհաստանի հավաքականի առաջատարն ընթացիկ մրցաշրջանում կատալոնական գրանդի կազմում բոլոր մրցաշարերում մասնակցել է 9 հանդիպման, դարձել 12 գոլի և 2 գոլային փոխանցման հեղինակ:
