«Ինտեր Մայամիի» կիսապաշտպան Ֆեդերիկո Ռեդոնդոն կարծում է, որ Լիոնել Մեսին միշտ պետք է ստանա «Ոսկե գնդակը»:
«Յուրաքանչյուր մրցանակ տրվում է նվաճումների համար: Եթե «Ոսկե գնդակը» միշտ տրվեր աշխարհի լավագույն ֆուտբոլիստին, ապա այն միշտ պետք է ստանար Մեսին: Քանի դեռ Լեոն շարունակում է կարիերան, պետք է ստանա լավագույնի մրցանակը»,- Ռեդոնդոյի խոսքն է մեջբերում La Nacion-ը:
Լիոնել Մեսին մրցանակին արժանացել է կարիերայում ութ անգամ: Նա այս ցուցանիշով լավագույնն է: