Լեո Մեսին ամռանը կարող է վերադառնալ «Բարսելոնա», հայտնում է լրագրող Ալեքս Կանդալը:
Արգենտինացի ֆուտբոլիստը չի ցանկանում ավարտել կարիերան առանց նոր «Կամպ Նաուում» խաղալու և ուզում է վերադառնալ հարազատ ակումբ, բայց կան խանգարող հանգամանքներ: Վերջին շրջանում այնքան էլ լավ չեն Մեսիի ու «Կապտանռնագույնների» նախագահ Ժոան Լապորտայի հարաբերությունները: Դրանից բացի, «Բարսելոնան» միգուցե չկարողանա բավարարել Մեսիի ֆինանսական պահանջները:
Հնարավոր է՝ «Բլաուգրանան» Մեսիին թիմ չհրավիրի՝ մտածելով, որ արգենտինացին կարող է փոխել ակումբի զարգացման ճանապարհը:
Մեսիի ու «Ինտեր Մայամիի» պայմանագրի ժամկետն ուժի մեջ է մինչև 2025 թվականի հունիսի 30-ը ներառյալ:
«Ոսկե գնդակի» 8-ակի դափնեկիրը 672 գոլով «Բարսելոնայի» բոլոր ժամանակների գլխավոր ռմբարկուն է:
¿MESSI DE REGRESO EN EL BARÇA? 🚨
— DSPORTS (@DSports) February 24, 2025
🔵🔴 @Alex_candal adelantó que el astro argentino regresaría a Barcelona en un futuro cercano.
🎙️ "Palabras de Lio Messi: 'No puedo dejar el fútbol sin antes jugar en el nuevo Camp Nou'".#FútbolTotal pic.twitter.com/VH1b8hAxqM
