Գերմանիայի հավաքականի եզրային հարձակվող Լերոյ Սանեն խոսել է Եվրո-2024-ի քառորդ եզրափակիչում իսպանացիների դեմ դիմակայության մասին։

«Երկու թիմերն էլ շատ ուժեղ են, այնպես որ, կարելի է ասել, որ սա եզրափակիչին հավասար հանդիպում է։ Սակայն մրցաշարին մասնակցում են նաև այլ ուժեղ թիմեր։ Այդ պատճառով պետք չէ չափազանց մեծ նշանակություն տալ դրան»,- Մյունխենի «Բավարիայի» ֆուտբոլիստի խոսքը մեջբերում է Bild-ը։

Հիշեցնենք, որ Գերմանիայի ու Իսպանիայի հավաքականների հանդիպումը կկայանա հուլիսի 5-ին Շտուտգարտում։