Լեգենդար Linkin Park ռոք խումբը ելույթ կունենա Չեմպիոնների լիգայի այս մրցաշրջանի եզրափակիչում՝ Մյունխենի «Ալյանս Արենա» ստադիոնում, հայտնում է ՈՒԵՖԱ-ն:
Խումբն առաջին անգամ կկատարի նոր թողարկվող ստեղծագործությունը՝ համեմված Չեմպիոնների լիգայի հնչյուններով:
«Մենք նոր ալբոմ ենք թողարկել, կազմակերպում ենք նոր շրջագայություններ, և երկրպագուների էներգիան ու ոգևորությունը մեզ շատ են պետք: Անհամբերությամբ սպասում ենք Չեմպիոնների լիգայի եզրափակիչին՝ կիսելու այդ էմոցիաները նրանց հետ:
Մեր խմբի համար սա նոր փորձառություն է, ու փշաքաղվում ենք այն մտքից, որ եզրափակիչի խաղից առաջ մեզ լսելու են միլիոնավոր մարդիկ աշխարհի տարբեր անկյուններից»,- ասված է Linkin Park-ի հայտարարությունում:
Չեմպիոնների լիգայի եզրափակիչը կկայանա մայիսի 31-ին:
