Հայաստանի ազգային հավաքականի երկրպագուներին 900 տոմս է հատկացվել՝ հոկտեմբերի 12-ին Ռիգայի «Սկոնտո» ստադիոնում Եվրո-2024-ի ընտրական մրցաշարի խմբային փուլի 7-րդ տուրի Լատվիա - Հայաստան խաղին ներկա լինելու համար, հաղորդում է Հայաստանի ֆուտբոլի ֆեդերացիան:
Հայ երկրպագուների համար նախատեսված են T, U, V սեկցիաները (քարտեզ):
Տոմսերի արժեքը 10 եվրո է (ձեռք բերել տոմս):
Հիշեցնենք՝ 5 խաղից հետո Հայաստանի հավաքականը 7 միավորով D խմբի երրորդ տեղում է: Առաջատարը 10 միավորով Խորվաթիայի հավաքականն է, թուրքերը, որոնք նույնպես վաստակել են 10 միավոր, երկրորդն են: Ուելսի հավաքականը 7 միավորով չորրորդն է: Լատվիայի թիմն առանց միավորի եզրափակում է խումբը:
