Շանթ Սարգսյանը կայծակնային շախմատի (բլից) Late Titled Tuesday առցանց մրցաշարում 11 պարտիաներում վաստակած 9 միավորով զբաղեցրեց 4-րդ տեղը՝ լրացուցիչ գործակիցներով զիջելով նույնպիսի արդյունք գրանցած և 2-3-րդ տեղերը բաժանած Ալեքսանդր Ինջիչին ու Թոմաս Բերդսենին:
Հայ գրոսմայստերն ընդամենը կես միավոր զիջեց մրցաշարի հաղթող, իրանցի Փարհամ Մաղսուդլուին, որի հետ մեկնարկային տուրում ոչ-ոքի էր խաղացել: Շանթը մրցաշարում մնաց անպարտելի՝ տանելով 7 հաղթանակ, 4 պարտիա ավարտելով ոչ-ոքի:
Արամ Հակոբյանը 8,5 միավորով զբաղեցրեց 9-րդ տեղը:
