«Բարսելոնայի» նախագահ Ժոան Լապորտան անդրադարձել է թիմի կիսապաշտպան Գավիի վնասվածքին։ 19-ամյա իսպանացին ստացել է ծնկի խաչաձև կապանների ու մենիսկի վնասվածք։
«Սարսափելի վնասվածք է։ Շատ էական է, որ Գավին ապաքինվի ինչպես հարկն է։ Նա մեզ համար շատ կարևոր ֆուտբոլիստ է ապագայում։ Ակումբը նրա կողքին է։
Ես վստահում եմ սպորտային տնօրեն Դեկուին։ Կարծում եմ՝ «Բարսելոնան» շատ մրցակցային կազմ ունի։ Չավին բավականաչափ ռեսուրս ունի մրցաշրջանը հաջող շարունակելու համար»,- Լապորտայի խոսքն է մեջբերում Marca-ն։
Գավին վնասվածքի պատճառով բաց կթողնի մրցաշրջանի մնացած հատվածը։
