Իսպանիայի հավաքականի եզրային հարձակվող Լամին Յամալը Խորվաթիայի թիմի դեմ Եվրո-2024-ի խմբային փուլի առաջին տուրի խաղում պատմական նվաճման հասավ, հայտնում է Opta վիճակագրական ռեսուրսը:
Կատալոնական «Բարսելոնայի» ֆուտբոլիստը դարձավ Եվրոպայի առաջնությունների պատմության ամենաերիտասարդ ֆուտբոլիստը, աշխարհի առաջնության բրոնզե մեդալակրի դեմ հանդիպմանը Յամալը խաղադաշտ է դուրս եկել 16 տարեկան 338 օրականում:
Նախորդ ռեկորդը պատկանում էր լեհ Կացպեր Կոզլովսկիին, որը 17 տարեկան 246 օրականում 2021 թվականին նորամուտն էր նշել Եվրոպայի առաջնություններում, խաղադաշտ էր դուրս եկել Իսպանիայի հավաքականի դեմ խմբային փուլի մրցավեճում (1-1):
Իսպանիա - Խորվաթիա B խմբի մրցավեճում դեռևս հաշիվը չի բացվել, ընթանում է առաջին խաղակեսը:
B խմբում են ընդգրկված նաև Եվրոպայի գործող չեմպիոն Իտալիան և Ալբանիան: Այս հավաքականները կմրցեն Երևանի ժամանակով 23:00-ից սկսած:
