Իտալիայի փոխչեմպիոն «Լացիոն» Հռոմում գոլազուրկ ոչ-ոքիով(0-0) ավարտեց երկրի չեմպիոն «Նապոլիի» դեմ Ա Սերիայի 22-րդ տուրի խաղը:

Առաջին խաղակեսում թիմերը խաղացին բավական զգուշավոր ֆուտբոլ՝ ոչ մի հարված չկատարելով դարպասին:

Երկրորդ կեսում «Նապոլին», ի տարբերություն առաջին խաղակեսի, փոքր-ինչ ակտիվացավ, սակայն ոչ մի լուրջ խնդիր չառաջադրեց մրցակցին: «Նապոլիի» առաջանալու արդյունքում թիկունքում ստեղծված բաց տարածություններից օգտվելով՝ «Լացիոն» բացեց խաղի հաշիվը, սակայն գոլը չեղարկվեց խաղից դուրս վիճակի պատճառով:

«Լացիոն» 34 միավորով 6-րդ տեղում է, «Նապոլին» 32 միավորով 9-րդն է:

Ա Սերիա, 22-րդ տուր

«Լացիո» - «Նապոլի»՝ 0-0

xG՝ 0,46 - 0,13

Հարվածներ՝ 10-5

Հարվածներ դարպասին՝ 1-0

Անկյունայիններ՝ 4-3

Խաղից դուրս վիճակ՝ 3-0

Խախտումներ՝ 11-11

Դեղին քարտեր՝ 3-2