Իսպանացի անվանի հարձակվող Ալվարո Նեգրեդոն սոցցանցերում տեսաուղերձ է հրապարակել և հայտնել կարիերան ավարտելու մասին։
39-ամյա ֆուտբոլիստը նախորդ տարվա հուլիսի 1-ից ազատ գործակալի կարգավիճակում էր։ Նրա վերջին ակումբը «Վալյադոլիդն» էր։ Նեգրեդոն հանդես է եկել «Մանչեսթեր Սիթիում», «Սևիլիայում», «Վալենսիայում», Մադրիդի «Ռեալի» երիտասարդական թիմում և այլ ակումբներում։ Հարձակվողը 128 գոլ է խփել Իսպանիայի Լա լիգայում անցկացրած 361 խաղում։
Նեգրեդոն 2009-2013թթ. եղել է Իսպանիայի ազգային հավաքականի անդամ, 21 խաղում խփել է 10 գոլ, իսկ 2012թ. դարձել Եվրոպայի չեմպիոն։
