Մադրիդի «Ռեալի» կիսապաշտպան Ջուդ Բելինգեմը ճանաչվել է իսպանական Լա լիգայի լավագույն ֆուտբոլիստ, հայտնում է առաջնության մամուլի ծառայությունը։

20-ամյա անգլիացին քվեարկության արդյունքում առաջ է անցել «Արքայական ակումբում» իր թիմակից բրազիլացի Վինիսիուսից, ճապոնացի Տեկեֆուսա Կուբոյից («Ռեալ Սոսիեդադ»), «Ժիրոնայի» ֆուտբոլիստներ ուկրաինացի Արտյոմ Դովբիկից ու իսպանացի Ալեիշ Գարսիայից, «Բարսելոնայի» լեհ հարձակվող Ռոբերտ Լևանդովսկիից, ֆրանսիացի Անտուան Գրիզմանից («Աթլետիկո Մադրիդ»), անդալուզյան «Բետիսի» իսպանացի կիսապաշտպան Իսկոյից, «Լաս Պալմասի» իսպանացի կիսապաշտպան Կիրիան Ռոդրիգեսից և «Վիլյառեալի» նորվեգացի արձակվող Ալեքսանդր Սյորլոթից։

Բելինգեմը 2023 թ. ամռանն է 103 միլիոն եվրոյով տեղափոխվել «Ռեալ»։ Ֆուտբոլիստն ավարտված Իսպանիայի առաջնությունում 28 խաղում խփել է 19 գոլ, կատարել 6 ասիստ։