Ֆրանսիական հեղինակավոր L'Equipe պարբերականն իր գնահատականներն է տվել Չեմպիոնների լիգայի խմբային փուլում «Նյուքասլի» դեմ մրցավեճում ՊՍԺ-ի ֆուտբոլիստներին:
Փարիզյան թիմի առաջատար Կիլիան Մբապեն ամենացածր գնահատականն էր ստացել՝ 2. «Նրա անցկացրած խաղը չափազանց հիասթափեցնող էր: Որտե՞ղ էին Կիլիանի առաջատարի հատկանիշները», - գրում է պարբերականը:
Ֆրանսիական մեկ այլ պարբերական՝ Le Parisien-ն էլ քննադատական նյութ էր հրապարակել թիմի գլխավոր մարզիչ Լուիս Էնրիկեի հասցեին. «Էնրիկեն այս ֆիասկոյի գլխավոր պատասխանատուն է»:
Հիշեցնենք, որ ՊՍԺ-ն «Սեյնթ Ջեյմս Պարկում» պարտվեց 1-4 հաշվով:
