Մադրիդի «Ռեալի» նորեկ Կիլիան Մբապեն 2022 թվականին մոտ է եղել «Լիվերպուլ» տեղափոխվելուն: L’Équipe-ը գրում է, որ «Արքայական ակումբին» մերժելուց ու Փարիզի ՊՍԺ-ի հետ պայմանագիրը երկարաձգելուց հետո ֆրանսիացի հարձակվողը շաբաթներ անց մտափոխվել է:
25-ամյա ֆուտբոլիստը հիասթափված է եղել փարիզցիների տրանսֆերային քաղաքականությունից ու որոշել է արդեն այդ ամռանը հեռանալ ակումբից: Մբապեն ընդունել է «Լիվերպուլի» առաջարկը՝ պայմանով, որ կարճ ժամանակ անց կտեղափոխվի «Ռեալ»:
Տրանսֆերը գնահատվել է 200 միլիոն եվրո, բայց ՊՍԺ-ն երկու անգամ ավելի գումար է պահանջել: Այդ պատճառով գործարքը խափանվել է:
Հիշեցնենք, որ Ֆրանսիայի հավաքականի ավագը այս ամռանն էր ազատ գործակալի կարգավիճակում հեռացել ՊՍԺ-ից ու տեղափոխվել «Ռեալ», որի կազմում անցկացրած 5 խաղում դարձել է 3 գոլի հեղինակ:
