59 տարեկանում կյանքից հեռացել է Իտալիայի հավաքականի նախկին ֆուտբոլիստ, Մունդիալ-90-ի լավագույն ռմբարկու և խաղացող Սալվատորե Սկիլաչին, հայտնում է Palermo Today-ը:
Երկրպագուների սիրելի Տոտոն պայքարում էր քաղցկեղի դեմ: Վերջերս նա տեղափոխվել էր Պալերմոյի կլինիկաներից մեկը և 2 անգամ վիրահատության էր ենթարկվել:
Հիշեցնենք, որ Սկիլաչին հանդես է եկել Թուրինի «Յուվենտուսում», Միլանի «Ինտերում», «Մեսինայում» և «Ջուբիլո Իվատայում»:
«Սկուադրա Աձուրայի» կազմում հանրահայտ ֆուտբոլիստն անցկացրել է 16 հանդիպում և դարձել է 7 գոլի հեղինակ, ընդ որում, այդ գոլերից 6-ը Սկիլաչին խփել է Իտալիայում կայացած աշխարհի առաջնության ժամանակ:
