54 տարեկանում կյանքից հեռացել է Լոնդոնի «Արսենալի» նախկին հարձակվող Կևին Քեմբելը։

«Ապշած ենք՝ իմանալով մեր նախկին հարձակվող Կևին Քեմփբելի մահվան մասին։ Կևինին բոլորը պաշտում էին թիմում։ Այս ծանր պահին մեր բոլոր մտքերը նրա ընտանիքի ու ընկերների հետ են։ Հանգչիր խաղաղությամբ, Կևին»,- գրել է «զինագործների» մամուլի ծառայությունը։

Անգլիացի ֆուտբոլիստը «Արսենալում» հանդես է եկել 1987-94 թթ. և 210 խաղում խփել 55 գոլ, կատարել 20 ասիստ։ Քեմբելը խաղացել է նաև «Նոթինգհեմ Ֆորեսթում», «Էվերթոնում», «Վեսթ Բրոմվիչում» և այլ ակումբներում։