«Բարսելոնայի» կիսապաշտպան Ֆիլիպե Կոուտինյոն, որ վարձակալությամբ ելույթ է ունենում «Բավարիայի» կազմում, կարող է փոխել ակումբային գրանցումը՝ հաղորդում է բրիտանական աղբյուրը։
Հաղորդման համաձայն՝ Կոուտինյոն կարող է մարզական կարիերան շարունակել «Լեսթերի» կազմում։ Բրազիլացի կիսապաշտպանի ծառայություններով անձամբ գլխավոր մարզիչ Բրենդան Ռոջերսն է հետաքրքրված։
Նշվում է նաև, որ Կոուտինյոն «Լիվերպուլ» վերադարձի տարբերակ ունի։
Հիշեցնենք, որ Կոուտինյոն «Լիվերպուլի» կազմում հանդես է եկել 2013-18 թվականներին՝ անցկացրած 152 խաղում դառնալով 41 գոլի հեղինակ։
