Բրազիլիայի հավաքականի ու անգլիական «Ասթոն Վիլայի» կիսապաշտպան Ֆելիպե Կոուտինյոն կարող է բաց թողնել Կատարում նոյեմբերի 20-ին մեկնարկելիք աշխարհի առաջնությունը, հաղորդում է TNT Sports-ը։

30-ամյա ֆուտբոլիստը ստացել է ազդրի մկանային վնասվածք, իսկ վերականգնման համար կարող է պահանջվել մինչև 6 շաբաթ։

Անգլիայի ընթացիկ առաջնությունում Կոուտինյոն անցկացրել է 12 հանդիպում, արդյունավետ գործողություններով աչքի չի ընկել։