Պերու - Կանադա Կոպա Ամերիկայի խմբային փուլի խաղի ժամանակ տհաճ միջադեպ է գրանցվել: Գլխավոր մրցավարի օգնական Ումբերտո Պանջոյը կորցրել է գիտակցությունը և ընկել է խոտածածկին, հաղորդում է ESPN-ը։
Բժշկական անձնակազմն անմիջապես օգնություն է ցուցաբերել, որից հետո Պանջոյին դաշտից դուրս են բերել պատգարակի վրա:
Ավելի ուշ կատարված հետազոտության ժամանակ պարզվել է, որ մրցավարն արևահարվել է:
Հիշեցնենք, որ այդ խաղում Կանադայի հավաքականը հաղթել էր նվազագույն հաշվով: Ամերիկայի գավաթի խաղարկությունն անցկացվում է ԱՄՆ-ում։
