Fastex Հայաստանի Պրեմիեր լիգայի փոխչեմպիոն «Փյունիկը» վստահ հաղթանակով մեկնարկեց Կոնֆերենցիաների լիգայի որակավորման առաջին փուլում՝ Աբովյանի քաղաքային մարզադաշտում 2-0 հաշվով առավելության հասնելով Էստոնիայի գավաթակիր «Նարվա Տրանսի» նկատմամբ:
Եղիշե Մելիքյանի գլխավորած թիմի կազմում երկրորդ խաղակեսում աչքի ընկան բոսնիացի հարձակվող Լուկա Յուրիչիչը և բրազիլացի պաշտպան Խամես Սանտոսը:
VNews-ի ֆոտոթղթակից Գրիգոր Գրիգորյանը ներկա է եղել հանդիպմանն ու պատրաստել է ֆոտոշարք:
Հիշեցնենք, որ դիմակայության պատասխան հանդիպումը կկայանա հուլիսի 20-ին Էստոնիայում: «Փյունիկ» - «Նարվա Տրանս» զույգի հաղթողը որակավորման երկրորդ փուլում ուժերը կչափի շվեդական «Կալմարի» հետ:
