Fastex Հայաստանի Պրեմիեր լիգայի բրոնզե մեդալակիր «Արարատ-Արմենիան» Կոնֆերենցիաների լիգայի որակավորման առաջին փուլի պատասխան խաղում հյուրընկալվել է ալբանական «Էգնատիային»:

Առաջին խաղակեսից հետո տանտերերը հաղթում են 2-1 հաշվով:

Հանդիպման երրորդ րոպեին «Էգնատիային» առաջ մղեց բրազիլացի կիսապաշտպան Ֆերնանդո Մեդեյրոսը:

17-րդ րոպեին երևանյան ակումբի կոտդիվուարցի ռմբարկուի Վիլֆրիդ Էզան վերականգնեց հավասարակշռությունը: 

36-րդ րոպեին ալբանացի կիսապաշտպան Ռեդի Կասան հաշիվը դարձրեց 2-1:

Հիշեցնենք, որ Երևանում կայացած առաջին խաղում թիմերը գրանցել էին արդյունավետ ոչ-ոքի՝ 1-1:

Դիմակայության հաղթողը որակավորման երկրորդ փուլում կմրցի հունական «Արիսի» հետ:

Ֆոտո՝ «Արարատ-Արմենիայի» մամուլի ծառայություն