Երևանի «Ալաշկերտը» ժամանել է Չեռնոգորիայի մայրաքաղաք Պոդգորիցա, որտեղ Կոնֆերենցիաների լիգայի որակավորման առաջին փուլի պատասխան հանդիպումը կանցկացնի «Արսենալ Տիվատի» հետ, հայտնում է ակումբի մամուլի ծառայությունը:

Վահե Գևորգյանի գլխավորած թիմը հաջորդ փուլի ուղեգրի համար հուլիսի 20-ին կպայքարի Պոդգորիցայի «Դիջի Արենա» ստադիոնում։ Խաղը կմեկնարկի Երևանի ժամանակով 22:30-ին:

Հիշեցնենք, որ հուլիսի 13-ին Երևանի «Ուրարտու» ստադիոնում կայացած առաջին խաղում գրանցվել էր 1-1 հաշիվը։

Ֆոտո՝ «Ալաշկերտի» մամուլի ծառայություն