Իսպանիայի կոմերցիոն դատարանը մերժել է Դանի Օլմոյին և Պաու Վիկտորին գրանցելու «Բարսելոնայի» դիմումը, հայտնում է Marca-ն:
Դեկտեմբերի 30-ին կատալոնական ակումբը կրկին այդ հարցով կդիմի դատարան: Օլմոյի գրանցումն ավարտվելու է դեկտեմբերի 31-ին:
Աղբյուրի համաձայն՝ 26-ամյա ֆուտբոլիստի պայմանագրում նախատեսված կետով խաղացողն իրավունք ունի անվճար հեռանալ, եթե ակումբը չկարողանա գրանցել իրեն:
Հիշեցնենք, որ Դանի Օլմոն ընթացիկ մրցաշրջանում կապտանռնագույնների կազմում անցկացրել է 15 հանդիպում և դարձել է 6 գոլի հեղինակ: