Անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն մարզումային լուսանկար է հրապարակել սոցցանցերում:
«Կրկին շարքում, նույն վճռականությամբ ու նվիրվածությամբ»,- լուսանկարին կից գրել է 37-ամյա ֆուտբոլիստը:
Ավելի վաղ «Ոսկե գնդակի» 5-ակի հաղթողը դուրս էր մնացել Լոնդոնի «Չելսիի» դեմ Պրեմիեր լիգայի 13-րդ տուրի արտագնա հանդիպման հայտացուցակից:
Հիշեցնենք, որ ընթացիկ մրցաշրջանում Ռոնալդուն բոլոր մրցաշարերում «Մանչեսթեր Յունայթեդի» կազմում մասնակցել է 12 հանդիպման, խփել երկու գոլ և կատարել մեկ ասիստ:
