Պորտուգալիայի հավաքականի հարձակվող Կրիշտիանու Ռոնալդուն դարձել է առաջին միլիարդատեր ֆուտբոլիստը, հայտնում է Bloomberg Business-ը:
«Ալ Նասրի» առաջատարի կարողությունն այժմ գնահատվում է 1.4 միլիարդ դոլար: Հունիսին պորտուգալացին Սաուդյան Արաբիան ներկայացնող ակումբի հետ նոր պայմանագիր կնքեց ու այժմ ստանում է տարեկան 178 միլիոն դոլար, ինչը կազմում է օրական 488 հազար: Նոր պայմանագրով՝ Ռոնալդուն ստացել է նաև 32 միլիոն դոլար պարգևավճար, որը կարող է հասնել 50 միլիոնի, եթե ֆուտբոլիստը չխախտի 2 տարվա պայմանագիրը:
Ռոնալդուն կարիերայի ընթացքում խաղացել է «Սպորտինգում», «Մանչեսթեր Յունայթեդում», «Ռեալում», «Յուվենտուսում» և «Ալ Նասրում»:
