Ֆրանսիայի չեմպիոն ՊՍԺ-ն հայտարարել է Ռուսաստանի հավաքականի դարպասապահ Մատվեյ Սաֆոնովի տրանսֆերի մասին:

Փարիզյան գրանդը 25-ամյա Սաֆոնովի տեղափոխության համար ռուսական «Կրասնոդարին» վճարել է 20 միլիոն եվրո: ՊՍԺ-ն դարպասապահի հետ ստորագրել է 5 տարվա պայմանագիր:

Հիշեցնենք, որ Սաֆոնովը «Կրասնոդարի» սան է, գլխավոր թիմում խաղում էր 2019 թվականից: Ավարտված մրցաշրջանում բոլոր մրցաշարերում անցկացրած 30 խաղերից 11-ում անառիկ էր պահել դարպասը: