Ռուսական «Կրասնոդարը», որի կազմում ելույթ է ունենում Հայաստանի հավաքականի կիսապաշտպան Էդուարդ Սպերցյանը, չի պատրաստվում հեռացնել գլխավոր մարզիչ Ալեքսանդր Ստորոժուկին, հայտնում է «РБ Спорт»-ը:
Վերջին 5 խաղերում ռուսական ակումբը գրանցել է 1 հաղթանակ, 1 ոչ-ոքի ու կրել 3 պարտություն: Ռուսաստանի Պրեմիեր լիգայի 14 տուրից հետո կրասնոդարցիները 24 միավորով 5-րդն են:
41-ամյա մասնագետը առնվազն մինչև հունվար կշարունակի աշխատանքը: Եթե արդյունքները չկայունանան, ակումբը կարող է դիտարկել գլխավոր մարզչի պաշտոնանկության հարցը:
Հիշեցնենք, որ Ստորոժուկը «Կրասնոդարը» գլխավորել է հուլիսի 1-ին:
Ընթացիկ մրցաշրջանում 22-ամյա Էդուարդ Սպերցյանը ռուսական ակումբի կազմում անցկացրած 17 խաղում դարձել է 9 գոլի ու 5 գոլային փոխանցման հեղինակ:
